Ариунбат гэдэг залуу гайхамшгийг бүтээжээ. Удахгүй тэсрэлт болно.
6 жилийн турш хөгжүүлэлт хийж туршилт амжилттай болсон ба прототип удахгүй шинэ бүтээл болно гэнэ. 15000м/кв талбайг халаах чадвартай ба УБ-ын хэмжээнд 400 ийм төхөөрөмж байхад дулааны асуудал шийдэгдэх нь ээ.
Бүх төрлийн хог, нүүрс, лагийг 850 цельст шатааж газ болон дизель түлш, бас үнсээр нь явган хүний замын хавтан гаргадаг хагас автоматжсан тоног төхөөрөмж хийжээ. Бас хямд байшин гээд олон инновац хийсэн байна. УБ удахгүй хоггүй, хөрсний бохиролдолгүй, утаагүй болно. Ийм сайхан мэдээг цааш нь #шэйр хийгээрэй залуусаа.

Өнөөгийн техник технологийн хөгжлийг бишрэхгүй байхын аргагүй болжээ. Арваадхан жилийн өмнө камертай гар утас трэнд болж бүгд л хошуурцгааж байсан бол өдгөө бид дэлхийн хэмжээний цөөн тооны компаниудын ачаар нэн шинэ технологийг өдөр тутамдаа хэрэглэж байна. Технологийн зах зээлийг ноёрхож буй цөөн компаниудын нэг Аpple компаний нэрийн хуудас болсон iPhone утасны тухай сайн, муу сонирхолтой фактуудыг дэлгэе.

1 Засварт их хэмжээний мөнгө зарцуулдаг

Ухаалаг утас болон бусад төхөөрөмжүүдийг удаан хугацааны туршид хэрэглэгдэхүйц байхаар үйлдвэрлэдэг ч Apple-ийн утаснууд нэг л эвдэрвэл нэлээдгүй их мөнгөөр засвар авдаг. Утас засдаг хүмүүс тэдний утсыг засахад хамгийн хэцүү байдаг хэмээн гомдоллодог учраас тэд өндөр үнэ хэлдэг ажээ.

2 iCloud нь тийм ч найдвартай биш ээ

Iphone хэрэглэгчид хувийн зураг, бичлэг болон элдэв бичиг баримтаа iCloud дотроо хадгалдаг. Гэтэл бодит байдал дээр энэ нь тийм ч найдвартай програм биш байдаг ажээ. Өнгөрсөн хэдхэн жилийн хугацаанд л гэхэд дэлхийн хэмжээний олон од өөрийнхөө хувийн зургуудыг алдсан нь үүний нотолгоо юм.

3 Амар хялбар төхөөрөмжүүдийг илүүд үздэг

Apple-ийн утасны нэг давуу тал бол тун энгийн хялбар төхөөрөмжүүдийг өөртөө суулгасан явдал юм. Андройд утас шиг байнга шинэчлэн сайжруулж байх шаардлагагүй. iPhone барьдаг ихэнх хүмүүс амар хялбар, энгийн хэрэглээг илүүд үздэг нь ажиглагддаг. Тийм учраас хүүхдүүд ч, настан буурлууд ч учрыг нь олоод хэрэглэчихэж чадна.

4 Merriam-Webster-ийн толь хэрэглэгчдийг нь шогложээ

Дэлхийн хэмжээний толь бичиг болох Merriam-Webster iPhone-ий хэрэглэгчдийг хөөрхөн гэгч нь шоглоод амжжээ. Тэд sheeple хэмээх үгийн утгыг тайлбарлахдаа Apple-ийн хэрэглэгчдийг онцлон дурдсан бөгөөд энэ үг нь дуулгавартай, номхон, бусдын үгэнд амархан ордог гэсэн утгыг илэрхийлдэг юм байна.

5 Тэд нэмэлт power bank-ийг хэрэглэхээс өөр аргагүй

Бид утас худалдан авахдаа олон талаас нь бодолцон үздэг бөгөөд хамгийн гол шалгуур нь утас зайгаа удаан хугацааны туршид барих байдаг шүү дээ. Тэгвэл iPhone утасны зай нь хэрэглэгчдийнх нь санаанд бүрэн дүүрэн нийцдэггүй байна. Тэд ямар ч тохиолдолд power bank-тай явахаас өөр аргагүйд хүрдэг.

6 Тэд сүүлийн үеийн тоглоомнуудын ард байдаг

Сүүлийн үеийн видео тоглоомнуудын хөгжил дээд цэгтээ хүрсэн бөгөөд хүмүүс өөрсдийнхөө таалалд нийцүүлэн компьютер дээр эс бөгөөс утсан дээрээ тоглож цагийг зугаатай өнгөрүүлэх болжээ. Mac-ийн гол зорилго бол видео тоглоом хөгжүүлэх явдал биш гэдгийг бид сайн мэднэ.

7 Тэд төхөөрөмжүүдээ сайтар хамгаалдаг

PlayStation 4 VS. Xbox One; Boston VS. New York; Apple Pie VS. Apple Cobbler… зэрэг нь сүүлийн үед гол ярианы сэдэв болоод байгаа билээ. Эдгээрийн дотроос iOS болон Android системтэй утасны тулаан улам гаарч байгааг бид нүдээрээ харж байна. Хүн бүр өөрийнхөө үнэлэмжээрээ дүгнэх ба зарим нь iOS-ыг илүү гэж байхад нөгөө нэг хэсэг нь Android-оо хамаагүй дээр хэмээн зүтгэсээр л…

8 Siri-гийн виртуаль туслагч

Тэд 2011 онд iPhone 4s-ийг зохион бүтээхдээ Siri-гийн виртуаль туслагчийг анх удаагаа танилцуулсан билээ. Тэгвэл одоо тэд Siri-ээс өөр туслагчийг ашигладаг болсон. Тухайн үед Siri-гийн дуу хоолой таних төхөөрөмж нь муу байсан учраас хэрэглэгчийн хэлсэн коммандыг биелүүлэх  тал дээр учир дутагдалтай байсан гэдэгтэй та санал нийлэх буй за.

9 Тун загварлаг

Тус компани үнэхээр сайнтай, муутай компани ажээ. Apple-ийн бүтээгдэхүүнүүд гадаад үзэмж, загварлаг байдлаараа бусад өрсөлдөгч компаниудаасаа илт ялгардаг нь үнэн билээ. Бий болсон цагаасаа хойш минималист чиг хандлага, загварлаг байдлыг уриагаа болгосон тус компаний дийлэнх хэрэглэгчид нь өсвөр насныхан болон залуучууд байдаг гэсэн тооцоо бий.

10 Шинэ онцлог талуудаа сайн танилцуулж чаддаггүй

Бусад утасны компаниуд ямар нэгэн ер бусын, онцгой зүйлийг бүтээгдэхүүндээ хийж өгөх болгондоо хэрэглэгчдэд мэдээлэл өгч, сурталчилдаг бол тус компанийхан энэ тал дээр төдийлөн эвээ олдоггүй гэж хэлэхэд буруудахгүй ээ.

11 Донглоо битгий мартаарай

Apple компани хачин жигтэй, хэрэгтэй хэрэггүй олон холбогч үйлдвэрлэн зах зээлд гаргадагаараа алдартай. Донгл буюу энэхүү холбогч цахилгаан утас нь л гэхэд нийт 23 төрлөөр үйлдвэрлэгддэг бөгөөд эдгээрийг цөмийг нь авахын тулд танд 800 доллар хэрэг болох болно.

12 Төхөөрөмжүүдээ бэлэг тэмдгээ болгон ашигладаг

Ухаалаг утасны зах зээл дээр тус компани яавч эхний байранд бичигдэхгүй. Харин түүний мөнхийн өрсөлдөгч болсон Samsung компани техникийн үзүүлэлт болон бусад талаараа хавь илүү. Apple-ийн утас илүү үнэтэй, хэврэг, үзүүлэлт муутай ч хүмүүс яагаад авч хэрэглэсээр л байдаг юм болоо? Яагаад гэвэл тэд төхөөрөмжүүдээ тун ухаалаг байдлаар өөрийнхөө бэлэг тэмдэг болгож чадсанд учир нь оршино.

13 Тэд асуудлуудаа шийдвэрлэх хэрэгтэй

Сайны хажуугаар саар гэгчээр Apple-ийнханд шийдвэрлэх асуудал цөөнгүй бий. Тус компаний утсыг хэрэглэдэг нэг хүн бариу жинсэн өмднийхөө халаасанд утсаа хийсэн биш утас нь эвдэрч ажиллахгүй болжээ. Үүгээр ч зогсохгүй iPhone 8 Plus утасны баттерей хөөж томордог гэхчлэн олон асуудлыг яаралтай шийдвэрлэх хэрэгтэй байгаа.

14 Эхний өдөр нь авах гэж хонон өнжин дугаарлаж байсан

Анх iPhone утсыг худалдаанд гарч байхад хүмүүс яаж байсныг та санаж байна уу? Тус компаний үнэнч хэрэглэгчид яаж ч ядарч, нойргүй хоносон хамаагүй худалдаанд гарсан тэр өдөр нь л заавал ч үгүй өөрийн болгоно гэсэн бодолтойгоор дэлгүүрийн гадаа оочерлож зогсоцгоож байсан цаг саяхан. Зарим нь бүр майхан сав, хоол ундаа хүртэл бэлдээд аваад ирчихсэн байсан гээд бод доо.

15 Тэд ихийг төлдөг

Тус компаний бүтээлүүд их үнэтэй байдаг. Жирийн нэг утас нь зах зээл дээр 500 долларын үнэтэй байхад илүү тансаг зэрэглэлийнх нь 900 доллар байх жишээтэй. Ийм өндөр үнэтэй утсыг хүн бүр авч дийлэхгүй л болов уу? Хамгийн хачин зүйл нь гэвэл хүмүүс утасных нь үнийг их байна гэж шүүмжилсээр байхад л жил ирэх тусам утасныхаа үнийг нэмсээр байгаа явдал юм. Хамгийн сүүлд гаргасан iPhone X утасны үнэ 1000 доллар байсан нь өнөөг хүртэл зах зээл дээр байгаа хамгийн өндөр үнэтэй утасны тоонд орж байна.

Орчин үеийн ухаалаг утасны болон таблетын хүчин чадал, хэмжээ багтаамж улам бүр л нэмэгдэхээс гадна өдрөөс өдөрт ухаажиж байна. Бага зэргийн тохиргоо хийгээд л бидний утаснууд автоматаар ямар гайхалтай зүйлсийг хийж чаддаг гээч. Хэрэглэгч та хэд хэдэн бүрэн автоматжуулалтыг утсан дээрх бэлэн апп эсвэл Play Store-с тодорхой аппыг татан авч тохируулах боломжтой.

Энэ удаад андройдын автомат үйлдлийг хэрхэн тохируулах талаар зарим мэдээллийг өгье. Мэдээж таны цагийг хэмнэх үнэтэй зөвлөгөө болно гэдэгт итгэлтэй байна.

“Саад бүү бол” тохиргоо

Их ажлын дараа сайхан амраад, унтаж байхад шөнө дунд гэнэт утсанд дуудлага эсвэл мессэж ирэх нь мэдээж хэнд ч таагүй санагдана. Унтахынхаа өмнө байнга утасны дууг хаахын оронд “Do not disturb” буюу “Саад бүү бол” тохиргоог идэвхжүүлж болно. Идэвхжүүлэхдээ огноо, цагаа сонгон Mute буюу дуудлага, мессэж болон бусад зүйлс хүлээн авдаггүй горимд тааруулах юм.

Үүнийг тохируулах тун хялбар бөгөөд таны үнэт цагаас 1-2 минутыг л зарцуулна. Утасны Settings цэсний дээд талд байрлах Sound /таны төхөөрөмжинд магадгүй өөр нэршилтэй байж болно./ дотор Do not Disturb гэсэн дээр дарна. Дараа нь өдөр, цаг болон дууг нь хаах уу эсвэл бүр дуудлага мессэж хүлээн авдаггүй горимд тааруулах уу гэдгээ сонгоод л гүйцээ.

Нэг даралтаар олон нийтийн хэд хэдэн сүлжээнд пост оруулах

Бид Facebook, Instagram, Twitter гэх мэт маш олон цахим сүлжээ ашигладаг. Хэрэв та аль нэгийг нь арай түхлүү хэрэглэдэг бол одооноос эхлэн нэг постоо олон сүлжээнд зэрэг нийтлэх боломжтой болж байна. Энэ нь цаг хэмнэх бөгөөд Hootsuite нэртэй апп-ыг ашиглаж болно.

Энэхүү апп нь танд олон нийтийн хэд хэдэн сүлжээнд нэгэн зэрэг ганцхан даралтаар пост оруулах боломжийг олгоно. Facebook–т пост оруулах, эсвэл Twitter–т жиргэх бол бүх цахим сүлжээнийхээ аккаунтыг нэг дороос удирдана гэсэн үг.

Энэхүү үйлчилгээг дэлхий даяар 15 сая орчим хэрэглэгч хүлээн авдаг бөгөөд 3 цахим сүлжээг үнэгүй хэрэглэх аж. Үүнээс олноор нь хэрэглэх бол сард 9,99 ам.доллар төлнө.

Зураг болон бичлэгээ хадгалах

Таны хийх хэрэгтэй хамгийн чухал зүйл бол бүх зураг, бичлэгээ Cloud–д хадгална. Ингэснээр та дурын утас болон компьютераас интернэттэй холбон харах боломжтой. Нэмж хэлэхэд утсаа алдсан, утас тань эвдэрсэн үед зураг, бичлэгүүд тань аюулгүй гэсэн үг. Үүнд хамгийн тохиромжтой апп бол Google Photos.

Автоматаар зураг, бичлэгээ хадгалахдаа Google Photos апплекейшныг нээгээд Settings–Back up &Sync цэс дээр дарна. Мөн дараа нь дэлгэцний дээд талд байрлах “Back up & Sync” гэсэн сонголтыг идэвхжүүлнэ. Доорх зурган зааврыг мөн ашиглаарай.

Google Photos–ын хамгийн догь зүйл нь ямар ч хэмжээтэй зургыг хадгалдаг ба багтаамж хасагдахгүй. Хэрэв хэтэрхий их хэмжээтэй бол 16 МР болтол бууруулдаг. Харин зургийг үндсэн хэмжээгээр нь хадгалах тохиолдолд танд үнэгүй дагалдаж ирэх 15 GB –с хасагдах бөгөөд нэмэгдүүлэхийг хүсвэл сард төлөх мөнгө нь 1.99 ам.доллароос эхэлнэ.

Өөр дуулгах сайхан мэдээ бол энэхүү апплекейшны settings цэсэнд байрлах “Free up device storage” гэсэн тохиргоог идэвхжүүлсэнээр хадгалагдсан зураг таны утсан дээрээс автоматаар устах болно.

Дата хэрэглээний анхааруулга тохируулах

Та дата хэрэглээнд хэт их мөнгө үрэхгүйн тулд хэрэглээндээ тодорхой хэмжээний хязгаар тавьдаг уу? Хязгаарлахын тулд өдөр бүхэн хэр зэрэг дата хэрэглэснээ шалгадаг юм биш биз. Үүнийг шийдэх нэг арга бол дата хэрэглээний сануулга өгч байх тохиргоо хийх.

Таны ухаалаг утас дата хэрэглээ тогтоосон хэмжээнд хүрсэн үед мэдээлэх болно. Тиймээс та YouTube–с, эсвэл бусад дата их хэрэглэдэг апп-аа хэт их хэрэглэхээ зогсоох хэрэгтэй болно гэсэн үг. Өөрөөр хэлбэл дата хэтэрч, хэт их мөнгө төлөх аюулаас урьдчилан сэргийлж чадна гэсэн үг.

Дата хэрэглээг мэдээлэх тохиргоог хийхэд хялбар. Settings>Data usage>Billing cycle гэж ороод өөрийн хэрэглэх датаны хэмжээ болон хугацааг оруулахад л болно.

Гэртээ ирмэгц ухаалаг утасны түгжээ тайлагдах тохиргоо

Та гадуур явж байхдаа утсаа түгжин хурууны хээ болон кодоор нээн ашигладаг уу? Харин гэртээ байхад энэ нь шаардлагагүйгээс гадна төвөгтэй санагддаг уу?

Ийм тохиолдолд хамгийн тохиромжтой арга бол гэртээ ирээд нэг л удаа хурууны хээгээ таниулаад, эсвэл нууц кодоо хийгээд нэвтрэн орох тохиргоо хийх хэрэгтэй. Энэ тохиргоог өдөр болгон хийхийн оронд нэг удаа тохируулаад л мартвал ямар байна?

Ингэж тохируулахын тулд Settings > Security & fingerprint > Smart Lock гэж ороод Trusted Places гэсэн дээр дарахад Add trusted place гэж гарч ирнэ. Үүн дээр дарж өөрийн гэрийн болон ажлын гээд хүссэн хаягийг оруулаад л гүйцээ. Оруулсан хаягтаа ирэхэд та нэг л удаа код болон хурууны хээгээ таниулахад хангалттай. Нэг зүйлийг сануулахад, та энэ тохиргоог ашиглахын тулд GPS үргэлж асаалттай байх шаардлагатай гэдгийг санаарай.

Магадгүй та эдгээрийг аль хэдийнэ мэддэг байж болох ч шинэхэн хэрэглэгчдэд багагүй тус хүргэх биз ээ.

Залуу үеийнхэн маань саяхныг болтол пейжер, дуу бичлэгийн хальс гэх мэт ахмад үеийнхэн тухайн цагтаа эдэлж хэрэглэж бас гангарч явсан зүйлсийг мэдэхгүй л байсан. Тэр үед шахмал цай илүү амттай, ноослог даавуун цамц бол гангараа болж байжээ. Гэтэл залуучууд эцэг эхээсээ, ахмад үеийнхнээсээ санаа авч өнгөрсөн үеийн тэр зүйлсийг өнөө цагт хэрэглэн, тэр нь бас эргээд моод болж эхэлж байна. Тиймээс бид уншигч та бүхэндээ өнгөрсөн цагаас эргэн ирсэн ахуйн хэрэглэлийг танилцуулахаар бэлтгэлээ.

1 Ноослог даавуу

Ноосон юм уу хагас ноосон, хоёр талдаа, эсвэл нэг тал нь хөвсгөрдүүхэн тод өнгийн энэ материал дайны дараа энх тайван амьдралд шилжсэн 1950-аад оны үед бас л моод болж байлаа. Харин 1990-ээд оноос америкийн “Nirvana” хамтлагийн дуучин Курт Кобейн (Curt Cobain) өмсөх дуртай болж түүнийг даган залуучууд өмсөх болж өнөөдөр ийм материалаар хийсэн цамц залуусыг эршүүд харагдуулна гэдэг бол бүсгүйчүүдийн ийм банзал нь илүүтэй эмэгтэйлэг харагдуулна гэж өмсөцгөөдөг болоод байна.

2 Пянз

Пянз болон пянз тоглуулагч мөн л эргэж ирж байна. Энэ эд давтагдашгүй дуу аялгуунаасаа гадна интерьер тавилгын гойд хэрэгсэл юм. Өнөөдөр пянз тоглуулагчийн хэдэн зуун шинэ загвар бий болж, орчин үеийн хөгжимчид шинэ цомгоо пянзанд бичүүлэх болжээ.

3 Ганц араатай дугуй

Дугуй нэг хэсэгтээ зөвхөн спортын хэрэгсэл болоод улам төгөлдөржиж өчнөөн олон араатай болоод байсан бол өнөөдөр эргээд дугуй нь тайван аялах, дэлгүүр хэсэх, ажилдаа явахад хамгийн тохиромжтой байгальд ээлтэй, эрүүл мэндэд тустай тээврийн хэрэгсэл болоод ганц араатай энгийн дугуй бидэнд эргээд ирж байна.

4 Бичгийн машин

Компьютер гарч ирээд маш олон төхөөрөмж түүн дотор бичгийн машиныг өргөн хэрэглээнээс халсан. Шинийг хүсэмжлэх, дуу чимээгүй машин гээд аль аль нь хослоод орхисон байж болох ч зохиолчдын хувьд бичгийн машин өөрийгөө илэрхийлэх, дотоод мэдрэмжээ түгээх гол хэрэгсэл хэвээр байна.

5 Шахмал цай

Цайны ёслол гэдэг зөвхөн Азийн орнуудад байдаг уламжлал биш, цайг амтархан уудаг англи хүн олон бий. Харин өнөөдөр олон залуу цайны жинхэнэ тансаг үнэр, амтыг мэдрэн уухыг хүсдэг болж байна.

6 Сахлын хутга

Орчин үеийн эрчүүд гоо сайхны эртний хэрэгслийн нэг болох сахлын хутга хэрэглэх болсон нь нэгдүгээрт, орчин үеийн ямар хутгатай эгнэхгүйгээр  үлдэгдэлгүй авдаг, ийм хутгатай байхад үс тархах ямар ч ойлголт байхгүй. Хоёрдугаарт, байнга сахлын хутга худалдан авах шаардлагагүй болно. Гуравт, ийм хутгаар сахлаа хусах нь эрэмгий, эрэгтэйлэг байна.

7 Эрвээхэй зангиа

1990-ээд оны хүүхдүүдэд бол эрвээхэй зангиа тийм ч их таатай биш байсан. Гэтэл 30 жил болоогүй байхад “эрвээхэй зангиа” эргээд ирэв шүү дээ.

8 “Polaroid” аппарат

Гар утас, зургийн аппарат үйлдвэрлэгчид шинэ загвар бүрийнхээ дуранг сайжруулахыг оролдож байх энэ үед залуучууд яагаад ч юм гэрэл зургаа тэр дор нь цаасан дээр буулгадаг “Polaroid” камер сонирхох болж байна. 1990-ээд онд ийм аппарат үнэхээр моод болж байсан шүү дээ. Эсвэл зургаа тодруулах гэж цаасаа сэгсэрч байгаа нь таатай байдаг юм уу.

9 Хуурцагт хөгжим

Хуурцагт хөгжмийг эргээд ирнэ гэж хэн ч санаагүй байх. Харин Америкийн “Яагаад гэвэл 13 шалтгаантай” цуврал киноноос  хойш залуучууд энэ өнгөт хайрцагнаас яагаад дуу гараад байгааг мэдэхийг хүсэх болов. Харин яагаад энэ киног бүтээгчид тэртээ өнгөрсөн цагийн хуурцагт хөгжим сонгон авсан нь бүү мэд.

10 Том чихэвч

Бөмбөрцөг хэлбэртэй том чихэвч нь шуугианыг маш сайн дардаг ч хэн ч үүнийг зүүгээд гудамжинд гарч зүрхэлдэггүй. Гэтэл одоо ингэж ичиж нэрэлхэх хэрэггүй боллоо, том чихэвч дахиад моодонд орж байна.

11 Тэмдэглэлийн дэвтэр

Хүүхэд байхад тэмдэглэлийн дэвтэр, зургийн цомог, дэвтэрт дуртай байдагсан. Жаахан уйтгарлавал тэр цагт номын дэлгүүр орж тэмдэглэлийн дэвтэр, халаасны дэвтэр авдаг байсан хүн олонтаа. Өнөө цагт үүнийг орчин үеийн хэллэгээр “скетчбук” гээд зураг зурах, өдөрт тааралдсан сонин хачин жижгээс аваад том эд зүйлсийг зурж авдаг болжээ. Үүнд ердөө л өнгийн хоёр харандаа байхад өдөртөө болсон үйл явдлыг зурж, тэмдэглэхэд хангалттай.

12 Мөрөвч

Хувцас өмсөх, хураахад тэлээ нь мөрөвчийг бодвол хамаагүй амар, хурдан боловч нэгэн цагт эрчүүдийн ажил хэрэгч төрхийг илэрхийлдэг байсан мөрөвч эрэгтэйчүүдийн өлгүүрт эргээд ирсэн байна. Мөрөвчний тэлийнээс давуу тал нь өмдийг унагахгүй өргөж байхаас гадна, тэлээ шиг гэдэс дарахгүй юм.

13 Сахал

Сахал бас л эргээд моод болж байна. Эмэгтэйчүүд Ким Кардашиан (Kim Kardashian)-ы хэв загварыг дуурайдаг шиг өнөөдөр бас л эрчүүдийг нүүүрэндээ ижилхэн үстэйгээс нь болоод ялгахад бэрх цаг үе ирж байгаа нь энэ.

14 Гаанс

Тамхины гаанс гэдэг бол зүгээр нэг эд зүйл биш бүхэл бүтэн философ гэж эрчүүд үздэг. Үүнийг хэрэглэхэд тамхийг гаансанд хийх, хэрхэн барих гээд бүх урлагийг нь сурдалж сурахад цаг хугацаа тэвчээр хэрэгтэй. Өнөөдөр гаанс моод болон эргэж ирээд зөвхөн тамхи татахаас гадна цуглуулгын үнэт зүйл болж байгаа юм.

15 Кино

Залуучууд зүгээр л тулаантай кино сонирхож байна гэж та бодож байна уу, үнэн хэрэгтээ тэд хуучны, бүр 1940-өөд оны кино үзэх нь түгээмэл болж байна.

Өнөөдөр гар утасгүй амьдралыг төсөөлөхөд бэрх болсон бизээ. Амьдралын бүхий л хэрэглээ Таны үнэнч андтай холбоотой, харин хэрэглээгээ дагаад утасны батарей хурдан цэнэгээ барах нь элбэг байдаг. Мөн үүнд WiFi, зургийн аппарат, интернет хэрэглээ, FM гээд хэрэглэдэг бол нүд ирмэхийн зуур дуусдаг. Тэгвэд Та дараахи хэдэн зөвлөгөөг дагаарай.

Гар утсаа гараасаа салгадагүй хүн байдаг. Хэдийгээр гар утас боловч энэ нь Таны утасны батарейны цэнэг хурдан дуусах нөхцөл болдог гэдгийг мэдэх хэрэгтэй юм. Утас асаатай байх үедээ тодорхой хэмжээний халдаг, харин та халуун гартаа барьж нь явах нь давхар гаднаас нь халааж батарей дуусахад нөлөөлдөг байна.

______________________________________________________________________________________________________________________________________________________________

Гар утасны залгуурын хэсгээ хэзээ хамгийн сүүлд цэвэрлэсэн? Лавтай Та энэ талаар бодож байгаагүй болов уу. Тэгвэл хамгийн их бохир цугладаг газар гэдэг юм билээ. Харин энэ олон жилийн хур хог нь батарейны чинь цэнэг авах болон нурахад их нөлөөтэй гэж мэргэжилтнүүд зөвлөж байна. Цэвэрлэхийн тулд чих цэвэрлэдэг савхаар хамгийн тохиромжтой гэнэ шүү.

______________________________________________________________________________________________________________________________________________________________

Гар утасныхаа дэлгэцний үндсэн зургийг өнгөтөөс хар цагаан болгоход цэнэгийг ихээхэн хэмнэдэг гэнэ шүү.

______________________________________________________________________________________________________________________________________________________________

Гар утасныхаа чичиргээт дуудлагыг зөвхөн шаардлагатай үед хэрэглэж байгаарай. Мөн утасныхаа дэлгэцийн гэрлийг бууруулаарай.

______________________________________________________________________________________________________________________________________________________________

Гар утсаа зайлшгүй шаардлагагүй бол унтахдаа унтрааж хэвшээрэй. Энэ нь олон талын ач холбогдолтой. Нэгдүгээрт радио долгионоос өөрийгөө түр ч болтугай амрана. Мөн батарейг сэргээх болмж олгодог байна.

http://zaszavzar.com/

Бүх iPhone Lithium-Ion төрлийн зайгаар ажилладаг. Энэ нь бүхий л дахин цэнэглэгддэг зайны үндсэн төрөл. Хэдийгээр богино хугацаанд цэнэг авах давуу талтай байдаг ч хүйтэнд тэсвэр муутай байдаг.

Lithium-Ion төрлийн зай нь хүйтэнд дараах байдлаар ажиллах чадвараа алддаг гэнэ:

Судалгаагаар хүйтэн орчин “Li-ion төрлийн зайны дотоод эсэргүүцлийг нэмэгдүүлэн, цэнэгийг эрс бууруулдаг гэнэ. Уг судалгаагаар -18 хэмийн хүйтэнд энэ төрлийн зай хүчин чадлынхаа ердөө 50%-г ашиглах боломжтой болдог гэнэ.

Apple-н гаргаснаар тэдний төхөөрөмжүүдийн зай ажиллах хамгийн тааламжтай нөхцөл нь 0 хэмээс 35 хэмийн хооронд. Харин Монголын нөхцөлд дээд хязгаар хүртэл халах нь тийм элбэг биш тохиолддог бол өвлийн улиралд iPhone манай орны хүйтэн нөхцөлд тийм ч тохиромжтой биш нь харагдаж байгаа биз?

Тиймээс та аль болох гар утсаа хүйтэнд гаргахгүй байх, цэнэгийг тогтмол 80-аас дээш хувьтай байлгах, дулаан халаасандаа хадгалах хэрэгтэй шүү.

Хүн бүрт л захирал, гэр бүл эсвэл ойр дотныхондоо харуулмааргүй хирнээ дотны найзууддаа харуулах хүсэлтэй стори байдаг. Тэгвэл энэхүү хүслийг гүйцэлдүүлэх функцийг Инстаграм 17 сар туршсаны эцэст олон нийтэд нээлттэй болгожээ.

Хэрэглэгч “Close Friends” гэсэн жагсаалтад өөрийн хүслээр дагагчдаа оруулах бөгөөд аль сторигоо тэрхүү сонгогдсон дагагчдад харуулахаа шийдэх юм. Мэдээж жагсаалтад хэн багтаж байгааг эсвэл хэн хасагдаж байгааг тухайн хэрэглэгчээс өөр хүн харах боломжгүй.

Инстаграмын бүтээгдэхүүн хариуцсан захирал энэ тухай “Олон нийтийн сүлжээг ашиглах хүмүүсийн тоо ихсэх тусам хэрэглэгчийн дагагчдын ихэнхийг танихгүй хүмүүс бүрдүүлдэг. Энэ нь тухайн хэрэглэгчид ойр дотны найзуудтайгаа холбоо үүсгэхэд хүндрэл учруулсаар байгаа юм. Өөрөөрөө байж, дотно найзуудтайгаа холбогдохын тулд хэрэглэгчдэд өөрийн гэсэн орон зай хэрэгтэй болдог” гэжээ.

Өмнө нь ийм функцыг Фэйсбүүк, Снапчат зэрэг олон нийтийн сүлжээнүүд хэрэгжүүлж байсан ч төдийлөн амжилт олоогүй юм.

Инстаграмын “дотны найзууд”-ыг хэрхэн ашиглахыг дараах бичлэгээс үзээрэй. Бүс нутгаас хамаараад зарим хэрэглэгчдийн апп-д хараахан нэмэгдээгүй байж болохыг анхаарна уу.

Эх сурвалж: techcrunch.com

Ухаалаг утасны зах зээлийн гол өрсөлдөгчдийн нэг болсон Самсунг корпорацийн Малайз дахь салбарын булхай илчлэгдэж шүүмжлэлийн бай болоод байна. Тус салбарын вэб хуудсанд Samsung Galaxy A8 Star утасныхаа сурталчилгааг камерынх нь чанарыг онцолсон байдлаар хийжээ. Ингэхдээ хөрөг зураг дээр жишээлсэн байсан нь Galaxy A8 Star утсаар авсан биш мэргэжлийн гэрэл зургийн DSLR аппаратаар авсан байсан нь илэрчээ. Ингэж сурталчилгаандаа ашигласан зургаа EyeEm.com сайтаас худалдан авсан бөгөөд уг зургийг дарсан гэрэл зурагчин Дуня Жужиш өөрийнх нь зураг худалдагдсан мэдээллийг хүлээн авч шалгахдаа мэджээ. Өөрийнх нь дарсан зураг нь Самсунг брэндийн шинэ утасны сурталчилгаанд ашиглагдаж буйг мэдсэн Дуня Жужиш тэр даруйдаа DIYphotography блог хуудсанд нийтэлжээ.

Мэргэжлийн гэрэл зургийн аппаратаар авсан уг зургийг хэдийгээр албан ёсоор худалдаж авсан хэдий ч Самсунгийн утасны камерийн сурталчилгаанд ашиглах нь зохисгүй, худал сурталчилгаа болж буй гэдгийг, мөн зургийг Photoshop програмаар багагүй засварласан гэдгийг ч Дуня Жужиш шүүмжилсэн байна. Самсунг корпорацийн Бразил улс дахь салбар, мөн Хятадын Huawei брэнд ч мөн мэргэжлийн гэрэл зургийн аппаратаар авсан зургийг өөрийн утасны камерийг сурталчлахдаа ашигласан нь илчлэгдэж байсан юм.

zuv.mn

Ням гарагт Лас Вегаст үүдээ нээсэн үзэсгэлэн худалдаанд Apple компани шинэ бүтээгдэхүүнүүдээ өргөн хэмжээгээр дэлгэсэнгүй. Гэхдээ эдний борлуулалтын тайлан үзэсгэлэнд оролцогсдын ярианы гол сэдэв болох нь дамжиггүй.

iPhone үйлдвэрлэгч дараагийн бүтээгдэхүүнээ танилцуулах эсэх нь Лас Вегаст ихээхэн нөлөөтэй бөгөөд өрсөлдөгчид нь хэрхэн давж гарах, ханган нийлүүлэгчид яаж оролцохоо бодож төлөвлөдөг. Энэ онд Apple-ын орлогын төлөв буурсан болон Хятадын эдийн засгийн удаашрал технологийн бусад компанид хэрхэн нөлөөлөх нь анхаарал татаж буй.

Хэрэглээний цахилгааны барааны үзэсгэлэн бодит ертөнцөөс тусгаарлагдсан байдлаараа алдартай. Энд компаниуд арилжааны бүтээгдэхүүн болгох ирээдүйгүй анхдагч загваруудаа үзүүлдэг. 2001 онд Xbox, 2009 онд Palm Pre утас үзэсгэлэнгийн од болж байсан бол сүүлийн жилүүдэд 3-D болон 4K телевизүүд үзэгчдийн нүдийг хужирласан.

Гэвч үүний цаана томоохон үйлдвэрлэгчид болон нийлүүлэгчид уулзаж, дараагийн том зүйл юу болохыг хэлэлцдэг. Хятадад байрладаг томоохон нийлүүлэгчид энэ жил хэлцэл хийхэд хүндрэлтэй байгаа. Түүнчлэн худалдааны дайны улмаас Америкийн компаниуд Трампын тарифаас зайлсхийх, үндэсний аюулгүй байдалд аюултай гэж тооцогдсон түншүүдтэй хэрхэн харилцах талаар арга сүвэгчилж буй.

Энэ онд Apple-ын орлогын төлөв буурсан болон Хятадын эдийн засгийн удаашрал технологийн бусад компанид хэрхэн нөлөөлөх нь анхаарал татаж буй.

Хэрэглээний технологийн холбооны захирал Гари Шапиро “Хятад ба АНУ-ын эдийн засгийн байдал үзэсгэлэн дээр сүүдэр болон тусаж байна. Хятадын компаниудтай хаалттай хаалганы цаана уулзаж, худалдах, худалдан авах харилцааны талаар ярилцана” гэжээ.

Тэрбээр тус холбооны гишүүн зарим компани Хятадаас үйлдвэрлэлээ гаргаж, тэндээс эд анги татахгүйгээр зохицуулж эхэлсэн хэмээн тэмдэглэв. Үзэсгэлэнгийн үеэр холбооныхон тарифын асуудлыг хэлэлцэх уулзалт хийхээр төлөвлөжээ. Түүнчлэн АНУ-ын худалдааны болон Цагаан ордны албаныхан үзэсгэлэнд оролцогчдын бизнест тариф хэрхэн нөлөөлөх талаар санал бодлоо илэрхийлэх аж.

Өнгөрсөн лхагва гарагт Apple сүүлийн бараг хорин жилд анх удаа орлогын төлөвөө бууруулсан нь Хятадын эрэлт суларч, худалдааны зөрчил хурцдаж буйгаас шалтгаалсан. Гэхдээ Apple-ын асуудалд хятадын эдийн засгийн удаашрал ба Хятадууд эх орныхоо бүтээгдэхүүнийг сонгож эхэлсэн хоёрын аль нь илүү нөлөөтэйг таахад бэрх.

iPhone-ы эрэлт суларсныг нэг талаас өндөр үнэ, нөгөө талаас өрсөлдөгчид нь дэлхийн зах зээлд хямд утас санал болгосноор тайлбарлаж болно. Тухайлбал iPhone-ы сүүлийн загвар XS Max 9599 юанийн үнэтэй бол Huawei-гийн орро 5000 юань байгаа нь бараг хоёр дахин бага байна.

Энэ жилийн үзэсгэлэнд хятадын 1200 гаруй компани оролцож, нийт талбайн 13- 14 хувийн эзэлжээ. Одоогийн бүтээгдэхүүний сацуу тавдугаар утасгүй технологи 5G-ийн төлөөх өрсөлдөөн энд харагдлаа. Мобайлын салбарын зөвлөх Четан шарма “Худалдааны дайны тухай түгшүүртэй яриа сонсогдовч гол тулаан 5G байх болно. Энэ үгийг Huawei-гээр хэлэх аргагүй” хэмээсэн юм.

Засгийн газрын мэдээ

Эх сурвалж http://www.info.mn

Холбоо харилцаа, үйлчилгээний “Вичат” сүлжээ хиймэл оюун ухааны хоолой таних систем ашиглан шинэчлэгдэж байгааг “Тенсент” групп албан ёсоор мэдэгдсэнийг “Синьхуа” уламжилжээ. Хоолой таних системийг ашигласнаар хөгжим сонсох, цаг агаарын мэдээ харах, хүмүүстэй харилцах болоод унадаг дугуй түрээслэх, онлайнаар худалдаа хийх зэрэг “вичат”-ын бүх л үйлчилгээг авахад илүү амар болох аж. Тухайлбал, хэрэглэгчид “вичат”-аа нээгээд авахыг хүссэн мэдээлэл, контактынхаа нэрийг хэлэхэд программ автоматаар хайж, хүссэн мэдээллийг нь гаргаж өгнө. Хоолой таних, өгөгдсөн мэдээллийн дагуу хайлт хийх чадвартай “Вичат”-ын шинэчлэгдсэн хувилбар тун удахгүй бэлэн болох аж. Энэ дашрамд өгүүлэхэд, 2018 оны эхний есөн сарын байдлаар “Вичат” 22 сая ажлын байр шинээр бий болгосон бөгөөд түүний 1.8 сая нь хоол захиалах, дугуй түрээслэх, гар утасны дансаа цэнэглэх зэрэг нэмэлт үйлчилгээнүүдийг хүргэх бичил программуудын тусламжтайгаар ажиллаж байгаа юм. Одоогоор “вичат”ыг нэг тэрбум орчим хүн өдөр тутмын амьдрал, холбоо харилцаандаа хэрэглэж, өдөрт 45 тэрбум мессэж илгээж байна.

1. Google Pixel 3 (101/92)

2. Samsung Galaxy Note 9 (103/92)

3. Xiaomi Mi Mix 3 (103/84)

4. Apple iPhone XS Max (105/82)

5. Samsung Galaxy S9 Plus (99/81)

6. Google Pixel 2 (98/77)

7. Huawei Mate 20 Pro (109/75)

8. Huawei P20 Pro (109/72)

9. Apple iPhone X (97/71)

Эх сурвалж www.wikimon.mn

Эх сурвалж http://www.info.mn